26 Ocak 2015 Pazartesi

İlmiy-araştırma menrkezinde elde etilgen yeñişler ve planlar

Qırımtatar tili, edebiyatı, tarihı ve medeniyetiniñ ilmiy-araştırma merkeziniñ faaliyet köstergenine keçken sene on yıl oldı. Bundan da ğayrı keçken sene ilmiy merkezniñ yolbaşçısı, professor İsmail Kerimovnıñ reberligi altında bir kereden altı ilmiy hadim edebiyattan namzetlik dissertatsiyasını qorçaladı. Bu munasebet ile İlmiy-araştırma merkezinde alıp barılmaqta olğan işler, deñişmeler ve kelecekteki planlar ile meraqlandıq. İsmail oca Kerimov Merkezniñ faaliyeti aqqında böyle dedi:
-- Qırımtatar tili, edebiyatı, tarihı ve medeniyetiniñ ilmiy-araştırma merkezi 2004 senesi mayısta teşkil etildi. 2014 senesi ise teşkil etilgenine on yıl oldı. Merkezde dört bölük: qırımtatar tili, qırımtatar edebiyatı ve folklor, qırımtatar tarihı ve qırımtatar medeniyeti bölükleri bar.

23 Haziran 2014 Pazartesi

Camige Adnan Süyenniñ adı berilecek

İslâm Terek rayonınıñ Küleç (Novopokrovka) köyünde caminiñ qurucılığı devam etmekte. Al-azırda divarlar tiklendi, binanıñ damı qapatıldı. Qurucılıq Bursa (Türkiye) şeeriniñ dernegi maliye desteginen alıp barıla. Caminiñ qurucılığı 2013 senesi başlandı.  Onıñ temelini qoyuv tantanalı merasiminde Bursadaki qırımtatar yardımlaşma ve medeniyet derneginiñ reisi em de savap işniñ teşebbüsçisi Adnan Süyen iştirak etti. Bu insan 2014 senesiniñ yanvar ayında yürek hastalığından apansız vefat etti. Qırım Müftiyatı Allanıñ evi qurucılığınıñ teşebbüsçisi daima hatramızda olacağını bildirip, qurulayatqan Allanıñ evine Adnan Süyen adını qoymağa qarar aldı.

…ve Mitropolitke muracaat etti

Qırım Müftiyatı Simferopol ve Qırım Mitropoliti Lazar adına yapqan muracaatında diniy erbapnı milletlerara barışıqlıqqa qoltutmağa çağırdı. Müftiyat Qırımda adamlarnıñ ğayıp oluvınen raatsızlanıp, bu meseleni çezmek içün yerli akimiyetke rica etkenini bildirip, din erbaplarımız Simferopol Metropolitiniñ Qırımda tınçlıq olması içün isse qoşmağa rica ettiler.

"Müftiyat Krıma takje obraşçayetsâ k Vam kak k duhovnomu lideru odnoy iz osnovnıh konfessiy poluostrova s prosboy podderjat dannuyu initsiativu i vnesti svoy vklad v stabilizatsiyu situatsii v Krımu", -- denile Qırım Müftisiniñ muracaatında.